Қазақстан Республикасы 2019 жылғы 14 ақпанда Пулвама аумағында көптеген адамның өліміне, сондай-ақ азаматтық тұлғалардың және әскерилердің жапа шегуіне әкеліп соққан террористік әрекетті қатаң түрде айыптайды.
Осыған байланысты, Қазақстан әлем қауымдастығын контртерроризм бойынша халықаралық міндеттемелерді іс жүзінде орындалуын қамтамасыз етуге шақырады. Терроризмге қарсы күресу халықаралық қауымдастықтың басты міндеті болып табылады.
Біз XXI ғасырдың қасіретіне айналған терроризмге қарсы күресте Үндістан халқымен біргеміз. Қаза тапқандардың жанұялары мен жақындарына көңіл айтамыз.